«حزين ومبقتش اتفرج على ماتشاتهم».. نجم الأهلي السابق يعلق على انتصارات الزمالك (فيديو)

كشف حسن مصطفى نجم النادي الأهلي السابق، عن حزنه بسبب الانتصارات الأخيرة لنادي الزمالك في بطولة الدوري المصري. وقال حسن مصطفى في تصريحات تليفزيونية عبر شاشة on sports: «الدوري لسه في الملعب، والفترة اللي جاية بتاعت لعيبة، ولعيبة الزمالك مركزة جدًا، ولكن لعيبة الأهلي وبيراميدز محتاجين يركزوا عادي». وأضاف: «بقالي فترة مش بتفرج على ماتشات الزمالك، عشان بدأوا يكسبوا ف بزعل، وأنا مضايق من نفسي بسبب النقطة دي». وتابع: «رجعت بقيت أهلاوي، وبقيت عايز الزمالك يخسر عشان أخد بطولات، الأول مكنش بيفرق معايا يكسب أو يخسر، لكن دلوقتي يفرق لإنه بيقرب من البطولة». وأكمل: «الأهلي يقدر يكسب ماتشات الباقية ويتوج باللقب في حال تعثر الزمالك، ورؤيتي إن الأهلي الأول والزمالك التاني وبيراميدز الثالث والرابع سيراميكا كليوباترا».