وفاة الفنان الشاب كريم عبد العليم في حادث سيارة بالشيخ زايد
المال ·
وفاة الفنان كريم عبد العليم.
كشف الفنان حسام داغر عبر حسابه "فيس بوك" عن وفاة الفنان الشاب كريم عبد العليم في حادث سيارة أليم بمنطقة الشيخ زايد . وقال داغر: "الله يرحمك يا كريم .. مش مصدق وأنا بكتب الكلام ده .. الممثل الشاب كريم عبد العليم كان طالب عندي في استوديو الممثل وخريج المعهد العالي للفنون للمسرحية في ذمة الله". وأضاف: "توفي كريم عربية صدمته في الشيخ زايد وتوفي في المستشفى.. ده لسه فرحك كان في شهر يناير يا حبيبي يا شقيان يا ممثل يا عظيم وشاطر من أول ما عرفتك في مسلسل حضرة العمدة وشفت موهبتك وعلقت على شطارتك وعرفت إنك من المتفوقين كمان في المعهد وإنك أخدت جوايز كتير من أول فيلمك القصير بوتيتو potato وجيت وعرفتك أكتر كطالب عندي وشفت حجم موهبتك الكبير". وتابع: "ميغالاش على اللي خلقه ده كان بيضطر يجري ورا حلمه ويشتغل حاجات تانية علشان يقدر يتجوز ويفتح بيته لا حول ولا قوة إلا بالله ربنا يصبرني يا رب ويرحمك يا حبيبي يا كريم يا عريس".
Original source: المال