«السعر مبالغ فيه وبيزود الوزن».. بدرية طلبة تتبرأ من منتج أعشاب للتخسيس

أعلنت الفنانة بدرية طلبة تبرؤها من مسؤولية تقييم سابق كانت قد نشرته لأحد منتجات الأعشاب الخاصة بالنحافة، مؤكدة أن المنتج تسبب فى زيادة الوزن بدلًا من إنقاصه، بحسب شكاوى وصلتها من عدد من الفتيات اللاتى قمن بتجربته. وكتبت بدرية طلبة عبر حسابها على «فيس بوك»: «بخلى مسؤليتى عن ريفيو عملته عن اعشاب للنحافة بيزود الوزن، المسؤلة عنه شرحت لى المكونات على أنها بتعمل مفعول وكتير بنات جربوه وكلمونى قالو مفيش أى مفعول ومبالغ فى سعره». أوضحت: «وبلغت صاحبة المنتج بالكلام دا ولم تهتم ونزل الريڤيو على القنوات يعنى المنتج حيوصل لأكبر عدد علشان كدا نزلت انى بخلى مسؤليتى وبلغت المحامى يبدء فى ايجراءات ضدها لانها لم تستجب لطلبى بوقف اذاعة الريفيو الخاص بى وللعلم دى اعشاب وغير مضرة مش شرط اجربها والريفيو بقاله سنه مفيش اختلاف على بدجت علشان بس بعض التعليقات اللى ملهاش لازمة». وكانت الفنانة بدرية طلبة وجهت رسالة تحذيرية لمتابعيها عبر حسابها بموقع «فيس بوك»، وذلك بسبب التعليقات المسيئة التى تتعرض لها من بعض الصفحات على مواقع التواصل الاجتماعى، مشيرة إلى أن البعض يتعمد كتابة تعليقات غير لائقة، ثم يسارع إلى الاعتذار بحجة أن أحد الأبناء هو من كتبها. وقالت بدرية، فى منشور على صفحتها بموقع «فيس بوك»: «شكلك إيه لما الأدمن يدخل يقولك حنبلغ مباحث النت بالتعليق تعتذر وتقول دى بنتى الصغيرة، أخدت التليفون وكتبت الكلام دا، أو ابنى الصغير اللى بعت الرسالة دي!، طب ليه تعمل جامد وتغلط وانت مش اد اللى بتعمله؟؟ طب شكل حضرتك ايه لما تلاقى عليك قضية حبس أو غرامة بسبب تعليق بايخ ما احنا حذرنا مليون مرة».وذلك من خلال أدمن الصفحة الخاصة بها. …